لوو عرفتك بغيابك كيف ...

[color=orange]السلام عليكم ورحمه الله وبركاته

هلا شحالكم وشخباركم

المهم

حبيت احط لكم قصه

الصراااحه وااايد عيبتني

بس لاسف ما بحطه كله لكم مره

وحده ...ان شاء الله كل يوم راح انزل جزء منها ...

واتمنى انها تعيبكم...



¸.•لو عرفت بغيابـ™ـك«¦¤®§®¤¦»كيـ™ـف«¦»يصبح زمـ™ـانـي•.¸
\
/
الحياة
كلمــــة تحوي الكثير الكثير من القصص
وحياة الناس..حكاياات وروااايااات
الناس وافراااد المجتمع
..
الحياة؟!
ماهــــي الحياة وماهو تعريفها ؟!
المعظم منكم يعرف والبقية..لا
ملثي فأنا أجهل معنــــى الحياة
او ربما اعرف
جزء بسيط منها
ولكن
سأحكي لكم قصــة فتاة في الـ 16 من عمرها
عانت الكثير من فراق من احبته
من فراق القلب الحنون الذي فقدته من اول ولادتها
وظهورها على هذه الكرة الارضيــة
والآن اترككم مع هذه القصــة القصيـــرة بعنوان..
\
/
¸.•لو عرفت بغيابـ™ـك«¦¤®§®¤¦»كيـ™ـف«¦»يصبح زمـ™ـانـي•.¸
ذبحنـ،ـي الشـ،ـ //ألـ،ـم الظفـ،ـرة// ـــوق
\
/
الجزء الاول
...........
ليتك معي صاف لي انت اللي
عنك القلب ماتاب
لاتل قلبي تلي
عنه اللي ياعالي الانساب
...........
رن رن رن رن رن
سلمى:خولوووة شلي التلفوووون
خولة وهيه قاعدة على الكرسي وتطول على التلفزيون:انا اشوووف الفلم
سلمى:يوووة...
وقامت تشل التلفون:الو
شما:مرحباااا
سلمى:أهليييييييييييييييين
شما:بسم الله بلااج؟
سلمى:ماشي
شما:شو تسون؟
سلمى:شو يعني؟ نشوف زماني على كيفي
شما:وععععععع ماعرفتن الا هالفلم؟
سلمى وهي تتنهد:شو نسوي بخولوووة عودتني عليه
شما:عطيني خولة بكلمها
سلمى وهيه تفر السماعه على خولة:شموة تباج
خولة :الووووو
شما:اخباااارج؟
خولة:زينة شو تبين؟
شما:حشى الواحد مايروم يرمس معاكن؟!
خولة:انا مشغوولة
شما وهيه معصبة:زين بااااي
خولة:صبري صبري حوووة اسووولف تعالي
شما:شو تسوولفين والله انكن صدق سخيفات وغلطان اللي يرمسكن
خولة:يالله عااد شمووة بس والله مستااانسة على الفلم
شما:زين بسألج
خولة بهتمام:شو؟
شما:شو غداكم؟
خولة:مااالت عليييج زين قلت بتسأل سؤال مهم
شما:ههههههه زين وهذا السؤال مهم
خولة:ماعرف بس بتينا؟
شما:مادري بس مليييت يدتيه تقولي ادرسي وانا مافيه توني رادة من المدرسة
خولة:صح شو سويتي في الامتحاان اليوم؟
شما:والله الورقة الاولى كانت وايد سهله
اما الثانيه خبصت في البرقراف مب حافضتنه وكتبت من مخي
خولة:هههه اللي بيقراه بيكون هاذي موجهه انجليزي؟
شما:اصلا يقولن الحمدالله اني كتبت..زين وانتي علوم الكيميا؟
خولة:اففففف مرة لاترمسين..مر علينا الموجه يسأل شو الامتحان
كـــل البنااات قالن صعب واحتشرن
شما:زين هو صعب؟
خولة:يعني وااايد فيه حفظ وانا تخربطت الصرااحة
شما:الله يعينكن الا نحن مادريتي؟! تعرفين هاذي المس المعلمة الطويلة
خولة:اي؟
شما:الطويلة اللي كانت واقفه مع المديرة يوم يواقعنا على القميص المخالف
خولة:هيييه هيييه عرفتها
شما:تمت تشوف اللوحة المعلقة في الصف ومخليه البنات يغشن على كيفهن وتسمعهن يرمسن
ويهمسن وهيه عادي عندها ويوم سمعت ان المديرة يايه قالت اشش المديرة جاايه
خولة:جذااابه؟؟!
شما:والله ماجذب
خولة:شكلها مايبين انها تغشش اللي يشوفها يقول بسم الله منها
شما:هههههه هييه والله زين اقووول شووو ايييكم ولا؟
خولة:والله نحن الحين موعد رقاادنا تعالينا بااجر
شما:خخخخخخخخخخ بايخة زين يالله بلبس نعالي وباييكم
خولة:لا تتأخرين ترا الحين بيحطون الغدى وباكله عنج
شما:زين زين مرة دقيقة وتلاقيني عند بابكم
خولة:ههههه زين
.......
خولة وشما بنات عم
شما..ثانــي ثانوي ,اما خولة اول ثانــوي..
يموتن في بعض كــل مايقعدن مع بعض يسولف وسوالفهن ماتخلص
دوووم مع بعض وسواااااالف سواااالف 24 ساعه
حتى ان ام خولة تحتشر عليهن
بس هن حمارات مايسمعن الرمسة
شما بنت وحيدة محد معاها في البيت كله تقعد مع يدتها وتسولف عليها
ابوها من توفت حرمتة عرس وخذ حرمة ثانيه
وهيه فضلت انها تعيش عند يدتها
ابوها حاول انه يخليها تعيش عنده في البيت مع حرمتة الثانيه
بس هيه ماتحبها
ويدتها تحبها وتباها تعيش عندها
عندها عم آخر سنه جامعه وهو بعد يحبها مووت بس مايحب فيها الفضول
دوم تروح لسيارتة وتقعد تنبش فيها
هو بعض الاحيان يحط صور ربعه وهالاشياء
وهيه تقعد تطالع وتتفلسف عليه
وهو يعصب عليها
وفي يوم من الايام..
..
كانت شما رايحه تييب دفتها من سيارة عمها اللي كان يايب لها الدفه اللي مفصلتنها من الاختيار الاول
اول مافتحت السيارة سمعت تلفون يرن
وشافت الرقم كان مكتوب"الهبله"
ضربها فضول وردت
البنت:الوووو
شما:.....
البنت:يالله حبيبي والله ماكان قصدي ازعلك
شما:حبيبي في عينج يالخبله
البنت:انتي منووو؟
شما:انا حرمت راعـــي التلفون حشى ماتستحين على ويهج انتي؟
البنت وهيه مصدومــة:لا مستحيييل مستحيييل حبيبي معرس لا لا؟
شما:لاصدقــي يالعنز والله انج ماتستحين على ويهج
\
/
وشوي ان عمها حمدان ياي وشافها قاعدة في السيارة
\
/
حمدان:حووة شبلاج تأخرتي؟
..
واول ما انتبه للتفلوووون
..
هااتيييه شو تسويين؟
شما وهيه تضحك:بعد يغااازل الاخو؟ ونعم القدوة
حمدان:لاااااااااا ياربج رمستيييها؟
شما:وليش لا حماارة خلها الخبله
حمدان:افا ماخليتني اتهنى حشى دووومج لزقة وين ماروح؟
شما:لا والله وحافظ اسمها الهبله؟
حمدان:لأنها هبله
شما:هههههههههه
\
/
شما تموت في عمها واااايد لأنه متفاهم معاها ويعرف اخلاقها
لأنها عاشت معاه في نفس البيت
وتعرف صفاته واخلاقه
وهو بالتالي يعرفها ومايحس انه عمها لا يحس انه اخوها
قامت شما من على الكرسي وراحت لحجرتها اللي عدال حجرة يدتها
وكان الاب توب شغال وحطت اغنيه"شط الحشا"حربي العامري
وقعدت تيبس وترقص وهي مستانسة شغلت الاستشوار
دخلت عليها يدتها اللي سمعت صوت الاغاني
\
/
حمدة:شموووة قصري عليه
شما:هاااه يدوووتي
حمدة وهي تتقرب من الاب توب اونها بتبنده
شما:صبري صبري بتخربيينه صبري يدتيه
وتركض شما وتقصر عليه
حمدة:ليش مطوله عليه يالحماارة؟!
شما:بعد ارتبشت حراام؟!
حمدة:لا حلاال يالله بنديه وشو هاذا؟ تحرقين شعرج بعد؟
شما وهيه تعدل بكلتها:لا ما احرقة بس اقوول ترااني بروح بيت عمي اتغدى
حمدة:ابوج بي صوبنا اليوم بيتغدى عندنا
شما:زين تغدي معاه ومع حرمته "وهيه تتطنز"عموتــــي
حمدة وهيه تتقرب من بنتها وتحضنها:هههههه
شما:شو رايج اماايه حلوة انا؟
حمدة:غزااال
شما وهيه تحب يدتها:فديييتج انا هيييه ارفعي من معنوياتي مب ولدج الدب
اللي كل ما اقول حلوة انا يقول لا خسفه
حمدة:يعني افداااكم انا فثنينه ما اروم استغنى عنكم
شما بدلع:ماااماااتي يدوووتي بقوووولج
حمدة:قوولـــي؟
شما:اليوم العصر بروح عند مريووم
حمدة:من بنته؟
شما:بنت**** بسير ادرس معاها الاحياااء
حمدة:صعب؟
شما:يعني بس نحن بندرس مع بعض
حمدة:ماعليه بس هاه هب تتأخرين؟
شما:زيين
حمدة:ولا تروحين مع الدريول خلي عمج يودييج
شما:اي عم؟
حمدة:حمدان بعد منو؟
شما:امااايه قووولي اخووج مب عمج
حمدة:هههه تدرين انتي كلكم عيااالي ماعليه خلي اخووج
شما:زين..يالله انا بسير
حمدة:عيل خطفي المطبخ وشلي دبه الحامضة وديها لبيت عمج
شما وهيه تلبس شيلتها الملونة الحرير ونعالها:زين
خلت الاب توب شغال مكانه والحجرة مفتوحه وراحت للمطبخ
وبعد ماشلت الدبة كملت طريقها لبيت عمها..
..
\
/
كانت الساعة بتدق 1 الظهر والجو حر برى تأفأفت شما ومشت لبيت عمها
توها بتدخل من الدروازة.......؟!
\
/



ترقبووا الجزء الثانى[/color]

يــــــــــــــــــــــــــسلمووووووووو خيتوووووووو على القصه وننتظر الجزء الثاني