خرووووووفة ام خمااس عن فضايح البناات في طابور المدرسه

السلااام عليييييييييييييكم
اليوووم ام خماااس يااايبتلكم خرووووووفه اكييد كل وحده منكن جربتهااا

فضايح البنات في طابور المدرسه !!

البداية مع التفتيش

ليش مريولج موديله جنه فستان عرس ؟ أبله هذا ستايلي ..

ليش حاطة عدسات زرق ؟ أبلة عيوني هذي .. امي اوروبية .

ليش كل هذا الكحل ؟ أبلة عيوني كحلية طبيعيا .. . :

ليش المناكير ؟ أبلة هذي حنة سودانيه مو مناكير . :

ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!


طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.نمر للبنات اللي مبققات عيونهم على المعلمات !! ..

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام

وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...

وين أبله الحجم العائلي ؟ اوف بعد مب غايبه ..


و الحين قبل لا نخلص نشوف سوالف الدلوعات :

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .<<< معقوله

.

و نخلص بالبنات اللي اختصاصهم الحش :

شفت فلانة امس فاتحة شعرها جنه خرطوم حريجه.

ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة . << مايسوى على البنت


ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة ..

خخخخخخخخخخخخخخخخخخخخخخخخخخ
ماقوول غير الله يهديييكن ياابنااات
منقوول
تحيااتي
ام خـــماااس